Angel Heart Nails美容院

上次就同大家講咗水晶甲矯形作用，今日就同大家講下gel甲，而家嘅gel甲分開左兩種:

一種係hard gel 另一種係soft gel即係硬gel同軟gel,

通常如果客人有咬手指嘅習慣或者指甲好軟身永遠生吾長好容易斷夾嘅，我都會建議佢哋做gel甲而且係做硬gel！因為其實係指甲同埋手指頭中間係有一黎叫甲肉既肉牽連住指甲同手指頭嘅當甲肉生得越長嘅時候指甲就更加容易生得長，而且冇咁容易斷裂！所以我會建議客人首先唔好做延長先，依照客人嘅本身嘅指甲形狀去做一個叫養甲既程序，令到指甲可以更加健康！因為gel甲有透氣既，所以係唔需要做幾個月就停下唔再做嘅！

而 hard gel 同soft gel 最大既分別係hard gel 拆甲時係須要用磨機磨走，而soft gel可以用卸甲水卸走的，不用磨甲！

今次就先講到呢度啦下一次就再同大家講下其他美甲嘅知識！

相信做過或者未做過嘅客人都會聽過以下呢幾個名詞嘅就係”水晶甲,gel甲同埋PP膠甲油”

但係各位了解所有類型嘅人造甲之前我想同大家分享一啲小小嘅知識:
其實人嘅指甲呢系有九層嘅，一個專業嘅美甲師為客人磨甲時，最多都只係會磨走三層！所以如果當你做甲嘅時候不論照燈或者美甲師幫你磨甲時候你覺得痛嘅話就一定要出聲，否則就有可能就係美甲師將客人嘅甲層不小心磨得太多所以令客人感到痛楚！(除咗係客人本身嘅指甲天生就已經係好薄除外)因為無論做以下我任何解釋嘅每一種人做甲都好，美甲師都會為客人塗上一啲接合劑，令到人造甲更加穩固地似係真甲嘅上面！

咁我而家就首先講下以下呢幾種甲佢哋嘅分別先:首先講既就係水晶甲:

水晶甲係一種歷史比較長遠嘅的真正做落自己指甲嘅假指甲(但並不等於用膠水將假甲貼落手指甲上邊)但究竟水晶甲構造係咩呢？就係水晶粉加水晶液，當呢兩樣野加埋一齊嘅時候就會變成半固體狀嘅物料，美甲師就必須要喺呢種物料凝固之前將佢做落客人嘅真甲上面造成想延長嘅形狀或者長度！其實講到底水晶甲即係亞加力膠，(但各位可以放心雖然話係亞加力膠，亦經過多種測試對人體係並冇影響嘅，其實有好多醫療嘅用品都含有亞加力膠成份既)所以美甲師會喺亞加力膠未完全硬化之前將夾型做好同埋矯形！所以水晶甲通常都係想幫客人嘅甲型矯形而做嘅！
水晶甲要拆甲同埋補甲嘅方法有兩種:
一種就係用磨機去磨走另外一種就係用溶解液幫客人將加力膠溶解！但因為水晶粉同水晶液結合嘅時候會發出一種比較難聞嘅氣味，所以而家好多美甲師都會採用來做立體雕花，但大家可以放心美甲係與時並進嘅，而家已經發明左好多無氣味既水晶液，所以各位客人如果你哋係想將指甲矯形(例如:本身成日會咬甲啦,指甲永遠都生吾長嘅客人,希望自己嘅甲形更加靚既客人！)呢一類型嘅客人我會係建議做水晶甲矯形的！
以下呢就有一幅係用水晶甲組嘅法式甲型！各位可以望一望我用紅色筆圈住嘅位置，大家會清楚見到個甲型係好卜嘅！呢啲就係水晶甲矯形出嚟嘅效果！同埋水晶甲嘅特點就係可以做得比較長因為佢係亞加力膠係會好堅硬嘅所以係真係好適合想矯形嘅客人做嘅！
今次水晶甲呢就解釋到呢度為止啦如果有咩問題嘅話呢你都可以搵我查詢！只Gel 甲同埋PP甲油膠我就下一次再同大家好好咁解釋下呢兩款人造甲！

• 美甲