(美容院La Flame Beaute評價) 唔識尊重人嘅美容公司 | 香港美容網 Hong Kong Beauty Salon

用戶[Mckayla]給La Flame Beaute的評分

香港美容網 Hong Kong Beauty Salon 用戶:

美容院 / 美容師 評價評論評分 @ 香港美容網 Hong Kong Beauty Salon 唔識尊重人嘅美容公司


話說喺尖沙咀行街嘅時候 ,嗰陣時有個男仔拉住左我做問卷然之後就話可以我好優惠嘅價錢試做Facial 本身我都拒絕 但突然落起雨你覺得一個年輕嘅小伙子喺條街度真係搵食艱難。於是乎就想去做咗呢一個優惠 ,其實做facial嘅時候呢第一次冇乜太大嘅感覺 ,不過由於疫情關係送咗好多優惠俾我咁我就join左。

但係呢一間公司每一次上去做facial硬係要sales我一啲野,連我join完plan第一次上去做都要再sales, 基本上每一次一訓低就sales ,點解唔可以比我深深咁去做一個Facial 點解唔可以比我深深咁去做一個Facial!

起因 :話說我本身就約咗做兩part body加Facial, 同我之前join plan 幫我做嗰個人唔同咗,換咗另一位body師 ,我諗住試吓第二個都冇乜所謂啦 !佢竟然幫我做按摩嘅時候 對面高樓大廈佢連窗簾都唔想同我閂咗佢,要我同佢講佢先至識得閂埋佢。你有冇試過做body嘅時候成個身會喺張床搖來搖去。佢嘅手法一啲都唔柔和,好似好急同好粗咁。佢幫我按嘅時候只係有幾拍真係按位。其他一味用個拳頭轆轆吓。超痛 不停要我同佢講勢力啲好痛啊 不停要我同佢講勢力啲好痛,佢仲同我講忍得住就OK 㗎啦幾野就冇事。我唔係冇喺其他地方做過body ,人哋嗰種大力係真係按到嗰啲穴位而好快鬆咗就唔會痛 ,我嗰陣時心諗我會唔會按完返去仲衰過未按之前,我從來都冇試過好似俾人打咁。

之後因為個body師都上咗啲年紀 ,所以到佢哋問我下一次book幾時會唔會book埋body ,我只係簡單咁反映咗話今次看得唔係咁好 。

點知返到屋企嘅時候發現原來俾佢按到瘀咗 

如果你唔係用啲死力喺度按根本就唔會瘀咗!

咁我就立即同佢地講返希望下一次都唔好再安排俾我啦 !

但我嘅起貨原因係‼️‼️
佢哋一句回覆都冇道歉都冇 !佢哋連客服都有問題  有冇搞錯啊 我都冇要求你哋有咩賠償,你哋連道歉都唔識 ! 真係太失望 ,作為一個消費者嘅我甚少冇咩事我都唔會投訴因為我好怕 唔知佢哋會點樣對待我塊面或者點樣報復我 !

 

La Flame Beaute回覆: 未有回覆
 s