388Nails (上環店)美容院

Babyexp (美客新手) : 唔好去呢間野

2019-08-21 21:33:37

故事有d長

  前題，山長水遠去到尖沙咀分店植睫毛，等左半個鐘以為植得，點知睫毛師話無曬我植開既12mm。打比個老闆Abbie Bui竟然鬧反我轉頭話係我錯。

  上過尖沙咀分店植過5次睫毛，唔太滿意太多膠水keep得果幾日就好快亂，但平，所以有時都會上去植。植左3次都係12mm，到第4次整完，我走時先發現竟然植左9/10mm咁短。我即刻打比睫毛師問係咪植短左，佢話隻毛係新反既，同之前隻12mm既長度有參差。我就whatsapp個老闆Abbie Bui，佢話點都要比$240再植過。我都算，7日後我比$240再植過。

  8日後又亂曬，今日我book左8.15pm又上去植。8.40pm睫毛師終於整完甲，我以為植得啦。點知佢問Abbie有無同我講12mm既毛無曬(落booking係經Abbie的)。由於佢得10mm or 15mm比我揀，我決定唔整。

  走果時我打比Abbie反映，無毛唔好幫客落booking，浪費d客時間。因為我係係旺角6.30pm做完facial特登過尖沙咀等到8.40pm，成2個鐘。

戲肉黎啦！我身為一個客，竟然比個老闆鬧反轉頭。

真實對話

我: 喂？我今日約左8.15pm植睫毛

Abbie: 咁你上左去未？

我: 上左，但睫毛師話無曬12mm

Abbie: 咁你下次先上黎植啦！

我: 我係想反映，你地落booking時要確保有毛比客植先好幫客book，而家我白行一趟浪費時間。

Abbie: 我地有3間分店！成千個客！唔會記得d客整咩款咩長度！甚至唔會記得d客既名! d客通常整8-12mm，我唔能夠保證d毛唔會用曬！

我: 身為接booking既人，唔確保分店有無毛就幫客落booking?

Abbie: 我唔會知分店d毛齊唔齊貨！你落booking果陣要同我地講整幾長

我: 我已經約過6次，點解你無一次問過我整幾長，而家就話我知我要講？

Abbie: (佢開始講d唔關事既比喻)

就好似你去同一間餐廳，都唔會次次叫同一樣野食啦！

(姐係叫我唔好次次都植12mm?得閒植下唔同長度，各位你明的，邊有人植慣12mm可以接受到佢謹有的10mm & 15mm?)

我: 我唔理你d客植開幾長，我浪費左幾多時間。無左d貨你地係咪有責任補貨？

Abbie: 你唔好話我地浪費你d時間丫！係你浪費左我地1個鐘既接客時間丫！(我d火燒到呢!!!)

(佢又講唔關事既比喻)

如果你去整指甲，無曬你想整既色，咁你點丫？(我反白眼！指甲既色可以同睫毛長度相題並論？所以我已經懶得答)

我: 你係邊間分店架？我要當面同你傾！

Abbie: (淆底靜左幾秒)

你搵我有咩好傾？

我: 因為你講極都唔明，或者比你老闆電話我！

Abbie: 我就係老闆！

係fb見到大家都係呢間舖有過不愉快經歷，所以我都分享一下！