黑店
大家千萬唔好信呢間黑店黎架！佢地係fb出的post話package 會包純棉紮肚帶及底布。
點知當日我去到先同我講話d紮肚布需要購買佢地公司的，之前一直都冇講過架，如果唔購買，佢提供的係d勁差的一次性洗面布質料幫我紮肚，紮完的後果同佢地fb相的完全不服符，而且紮完等於冇紮。
銅鑼灣果間鋪經理第一日好求其咁幫我紮，當我返到屋企的時候紮肚帶已經鬆晒，而且仲要唔係紮d重要的收形的位置
第二日係個姐姐幫手紮，個姐姐值得讚，雖然d布真係超級差，跟住佢都肯用盡自己的心機同耐性儘量幫我紮，但唔可奈何d布太差，紮完返到屋企都係唔得，好快就鬆左！第二日傍晚，我親自whatsapp 佢地話要求退錢，隔一日星期一佢地銅鑼灣店鋪的負責人聯絡我，佢對話中覺得佢地的服務冇問題並且堅決不肯退錢(問題係佢地提供的服務同紮肚宣傳寫的野完全不符，我先要求退錢)當我堅決退錢時，果個經理人先話:[不如我地提供一條紮肚帶卑你，但唔知紮唔紮得晒你個肚喔！]跟我我就話冇可能咁，因為你地的圖片係紮得好好而且係打晒結架喔！點解依家我話退錢，你先話卑一條，我當然唔肯，佢就話推卑另一個人搵我啦！當日我等左一日電話都冇人聯絡我，我就打幾次電話卑美容中心，佢地又話已經聯絡左公司的管理層之類，直到夜晚6點先whatsapp 我話三日內回覆，照計三日內應該係星期四要回覆我，但佢地都主動搵我，我又打卑佢，佢又繼續洒我又話佢已經追左啦之類，跟住直到今日1點30分我先收到佢地管理層的陳小姐電話，我話要求退款，佢話唔得，話合約寫明，我話如果你地係按合約，咁我更加應該要求退錢啦！點解你提供卑我的服務同合約寫的要求不符合，點解我唔可以要求你地退錢，而你地就可以按合約要求一直不退錢卑我？我話係你地錯先，點解我唔可以提出要求退款？佢都係答唔到我呢個問題，一直就按官方答案答合約寫明不退款，但我話如果係我錯，我要求退款係我唔岩，問題依家係佢地冇安合約寫的野黎提供服務卑我喔！我話喔會去搵消費者委員會，佢意思係好啊，你咪去囉！我未驚過喔！我去搵消費者委員會唔係要求佢地驚我或者係威脅佢，而已我想討回公道並且唔好讓更多消費者受害！
